“Замонавий таълим” (Современное образование) журнали (Тошкент вилояти матбуот ва ахборот бошқармасида 2012 йил 28 августда 03-032 рақами билан рўйхатга олинган) Ўзбекистон Республикаси Олий аттестация комиссиясининг докторлик диссертациялари асосий илмий натижаларини чоп этиш тавсия этилган илмий нашлар РЎЙХАТИГА киритилди (13.00.00 – ПЕДАГОГИКА ФАНЛАРИ ва 19.00.00 – ПСИХОЛОГИЯ ФАНЛАРИ бўйича). Ушбу Рўйхат Ўзбекистон Республикаси ОАК Раёсатининг 2015 йил 20 мартдаги 214/2-сон қарори билан тасдиқланди.

Журнал Ўзбекистон Республикаси “Таълим тўғрисида”ги Қонуни ва Кадрлар тайёрлаш миллий дастурига мувофиқ республикамизда амалга оширилаётган таълим тизимидаги ислоҳотлар, жаҳон мамлакатларида таълим соҳасида кечаётган жараёнларни кенг ёритишга ихтисослашган.

Жумладан, кириб келган йилда журнал саҳифаларида “Соғлом она ва бола йили”га бағишланган, “Кадрлар тайёрлаш миллий дастури амалда”, “Таълим сифати ва халқаро таълим стандартлари” деб номланган ва бошқа долзарб рукнларга тегишли ҳамда таълим тизимининг барча бўғинлари, кўпчиликни қизиқтирадиган масофавий таълим тизимига тааллуқли мақолалар, шу йўналишлардаги жараёнларга изоҳ, шарҳлар, илмий фикр-мулоҳазалар чоп этилиши режалаштирилган.

Сиз, азиз муштарийлардан, ўзларингизни қизиқтираётган мавзулар, таълим соҳасига тааллуқли саволлар, журнал фаолияти юзасидан фикр-мулоҳазаларингизни бизга ёзма ёки электрон шаклда юборишларингизни илтимос қиламиз.